LAS VEGAS CHEGAN A EUROPA
Fai uns días chegou a min unha noticia sorprendente a través de ElPeriódico.com. Malia que non foi así, esta debería chegar á opinión pública.
O titular era "Los Monegros se muestra ansioso por seguir la senda de Las Vegas" e no devalar da noticia descubrimos o proxecto que ten entre mans a Junta de Aragón.
Trátase da contrución dun centro de ocio e consumo denominado Macroproxecto Gran Scala semellante ao situado no estado de Las Vegas (EE.UU).
Este proxecto, xa aceptado pola Junta de Aragón, estará situado no deserto de Los Monegros e contará cunha inversión de 17.000 millóns de euros por parte dun consorcio de empresas: International Leisure Development (ILD).
O novo Las Vegas, que ocupará arredor dunhas 2025 hectáreas (500 campos de fútbol), constará de:
- 5 parques temáticos
- 32 casinos (un menos que en Las Vegas)
- 40.000 máquinas "tragaperras"
- 70 hoteis
- 232 restaurantes
- medio milleiro de comercios
- 1 hipódromo
- 1 centro de convencións
- 1 campo de golf
O proxecto foi apoiado tanto pola administración aragonesa coma pola poboación local, abraiada coa chegada de novos empregos á localidade (arredor de 62.500 postos de traballo directos), polo que a Junta se coprometeu a facilitar unha serie de servizos indispensábeis para levar a cabo a iniciativa (o terreo, accesos ao recinto, infraestruturas, suministro enerxético e de auga así como a modificación dalgunhas normativas vixentes que dificultaban lixeiramente a posta en marcha do proxecto).
Ora ben, resulta desconcertante que na mesma comunidade na que se está a levar a cabo a Expo (adicada por certo á auga), se vaia pór en marcha unha iniciativa destas magnitudes, pois todos sabemos que esta zona sofre dunha importante escaseza de auga.
É máis, son as administracións públicas conscientes do impacto e degradación ambiental e cultural que vai supoñer o Macroproxecto?
Como podemos observar, a noticia, de grande importancia, non foi proxectada realmente á opinión pública. Atopámonos, pois, ante unha xerarquización das noticias alarmante, sendo vítimas do que os medios, nas súas Axendas-setting, estabelezan como importante e interesante.
Nunha sociedade da información coma esta, estamos verdadeiramente informados sobre todo o que acontece ou só do que a algúns lles interesa?
Foto: Deserto dos Monegros.
david santos dijo
Esta claro Olaia que cada preriódico ou medio conta o que quere e intenta enfocar a nosa mirada cara outras cousas para non tratar temas que non queren que tratemos ou que non favorecen o partido ou ideas dos que eles son... partidarios..
Referente o que ti puxeches da noticia...pareceríame indignante que "joderan" un sitio coma ese con macroconstrucción convertindo iso nunha nova marbella...logo falamos de cambio climático, deforestación....pero con cousas así creo que o mundo mandarémolo o tacho.
Un saudo !!
31 Marzo 2008 | 08:25 PM